Presidenti i ri dhe ‘non gratat’, mblidhet sot Grupi Parlamentar i PS-së

Grupi Parlamentar i Partisë Socialiste do të mblidhet paraditen e sotme për të diskutuar për procedurën e zgjedhjes së Presidentit të ri.

Deputetet e mazhorancës pritet të dalin dhe me një qëndrim për deputetin Ornaldo Rakipi, pasi babai i tij Aqif Rakipi u shpall non grata nga Shtetet e Bashkuara të Amerikës.

Pak ditë më parë, Ornaldo Rakipi tha se babai i tij Aqif Rakipit do të apelojë vendimin e Departmentit të Thesarit që e shpalli atë person non grata.

Në fjalën e mbajtur nga foltorja e Kuvendit, Rakipi fajësoi ish-kreun e PD, Lulzim Basha se ka përgojuar dhe hedhur baltë pa të drejtë mbi babanë e tij, duke ndikuar në vendimin e publikuar disa ditë më parë

Aqif Rakipi, ish-deputet i PDIU dhe biznesmen është në mesin e 7 personave nga Ballkani Perëndimor të shpallur si të padëshiruar nga SHBA të cilësuar si kërcënim serioz për stabilitetin dhe demokracinë në rajon.

LEXONI GJITHASHTU:

• Ornaldo Rakipi fajëson Bashën për shpalljen non grata të të atit
• Sanksionet për Rakipin, Çipa: Ky vendim nënkupton korrupsionin elektoral
• Rama takon ish-kryeministrin britanik, Toni Bler