‘Presidenti’, Mediu: Opozita mos të propozojë emra pa u konsultuar brenda vetes

Kreu i Partisë Republikane, Fatmir Mediu thotë se kreut të mazhorancës i intereson që të ketë përballë një opozitë të përçarë.

Ndaj, ai shtoi se forcat opozitare duhet të jenë të unifikuara në qëndrimin që duhet të mbajnë për çështjen e zgjedhjes së Presidentit të ri.

“Ajo që ne duhet të bëjmë si opozitë është se duhet të marrim një vendim në raport me veten tonë. Të paktën për të qenë të unifikuar në qëndrim, qoftë dhe për të mos marrë pjesë në proces”, tha Mediu.

Sipas tij, negociatat duhet të bëhen përmes disa emrave të zgjedhur me konsensus nga partitë e opozitës përfshirë edhe LSI.

“Me kë shkoj në negociata nuk ma dikton dot Taulant Balla. Nuk e dikton PS. Çështja është se ne duhet të gjenim gjuhën e përbashkët se në fund janë deputetët që votojnë”, deklaroi Mediu.

Nëse do të realizohej ky konsensus atëherë shtoi ai, PS nuk do të kishte komoditetin që të negocionte me palë të ndryshme.

Mediu tha se opozita duhet të dërgojë emra për kandidatë por jo pa u konsultuar brenda vetes pasi në të kundërt nuk ka pse merr pjesë në seancë kur nuk ka asnjë kandidat.

LEXONI GJITHASHTU:

Ermonela Felaj: Modeli i presidentit të mazhorancës dhe opozitës janë njësoj

Dy vite nga shembja e Teatrit Kombëtar, Budina tregon ‘tradhtinë’ e Bashës