Prezantuesja: Burrat martohen kur duan vetë, jo kur bien në dashuri!

Një grua ka ndezur një debat pasi sugjeroi se koha kur burrat vendosin të martohen ka të bëjë më shumë me ndjesinë e tyre biologjike dhe jo me faktin se sa të dashuruar janë.

Prezantuesja dhe influencerja Taylor Herd zbuloi “teorinë” e saj në Tik Tok dhe ajo është pritur me lavdërime por edhe kritika të shumta, sidomos nga burrat.

Prezantuesja e podcast–it pohoi se “burrat martohen me gruan përballë tyre në kohën kur ata janë gati të martohen”.

Ajo u nxit për këtë teori nga një fotograf dasmash, i cili është mësuar të jetë afër me dhëndrin dhe nusen. Duke bërë një analizë të gjatë ajo nënkupton se burrat martohen në momentin që i ka ardhur koha biologjike dhe jo domosdoshmërisht shpirti binjak. Ndryshe ndodh me mënyrën se si e përjeton një grua këtë moment të rëndësishëm të jetës.

Sipas saj kur një burrë vendos se është financiarisht dhe emocionalisht i gatshëm për t’u vendosur dhe gati për të krijuar një familje, ai merr një qasje të ndryshme ndaj takimeve me gratë e tjera sepse në mendjen e tij e ka vendosur.

Videoja në llogarinë e saj @taytalkspod ka mbledhur mbi 4 milionë shikime dhe ka tërhequr pothuajse 6000 komente, por jo të gjithë janë dakord me të.

LEXONI GJITHASHTU:

• Alma Çupi: Ballkanasit nuk e duan vetminë, kanë presionin e martesës
• Habit Rezart Cenaj: Burrat martohen me të parën grua që i shkon nga pas