Gazetari Alban Daci tha në një intervistë për Euronews Albania se primaret janë një farsë dhe foltorja ka frikë nga vendim i gjykatës.
Sipas tij partitë shqiptare nuk janë aspak demokratike dhe liderët e tyre vazhdojnë të zgjidhen me 99% ashtu siç zgjidhej Enver Hoxha vetëm me 3 vota kundër.
“Në një parti që nuk ka transparencë dhe nuk ka frymë demokratike nuk mund të pretendosh se ka pjekuri për të bërë primare,” – u shpreh Daci.
Gazetari argumentoi se foltorja është e frikësuar nga vendimi i gjykatës së 3 nëntorit dhe ju duhet një plan B, pra të dalin me emrin e Partisë së Lirisë.
“Kësaj here do thonë drejtësia e kapur nga Rama na mori partinë, por ne kemi kandidatët që janë votuar nga anëtarësia e Partisë Demokratike sepse dolëm me primare,” – tha ai.
I vetmi shans për PD-në pas vendimit të gjykatës, tha Daci, është sigla e Partisë së Lirisë.
LEXONI GJITHASHTU:
- PD publikon udhëzimin për Primaret në Tiranë, Durrës dhe Elbasan
- Primaret në PD, Euronews Albania zbulon disa prej kandidatëve në Korçë
