Zëdhënësi i policisë Gentian Mullaj është shprehur se janë sekuestruar 185 kamera në 5 qytete të vendosura nga grupet kriminale.
I ftuar në emisionin “Review” në Euronews Albania, ai tha se kamerat janë sekuestruar në Durrës, Fier, Korçë, Gjirokastër e Dibër, ndërsa shtoi se janë nën hetim 22 persona të cilët janë dhe pronarët e kamerave.
“Nuk them se ka qenë çështje vullneti. Këto kamera nuk dihej se kush i kishte vendosur. Pas analizës në polici janë parë dhe kamerat pas zot. Ne po heqim kamerat. Në bashkëpunim me prokurorinë po hetojmë se kush i ka vendosur këto kamera. Në disa qarqe ka persona qe janë në hetim. Janë proceduar 22 persona për 185 kamera. Kemi 22 persona, në Durrës, Fier, Korçë, Gjirokastër e Dibër. Po bëjmë veprime hetimore në Shkodër e Vlorë. Shumica e pronarëve të kamerave janë gjetur”-tha ai.
LEXONI GJITHASHTU:
- ‘Do shkatërrojmë terroristët’, reagon Netanyahu pas sulmit ku u vranë 7 persona
- Makina del nga rruga në aksin rrugor Vlorë- Kotë, tre të plagosur
- Shkarkohet ministri i financave në Britani