Pritet “luftë” në veri? Eksperti: Fituesit s’do marrin dot detyrën…

Eksperti i sigurisë, Drizan Shala tha në një intervistë për Euronews Albania se bojkotimi nga ana e serbëve i zgjedhjeve në Veri është pjesë e një skenari për të mos lejuar kryetarët e zgjedhur që të marrin detyrën.

Sipas tij, fituesit e zgjedhjeve nuk do të lejohen të betohen në asambletë komunare, me qëllimin që të shkohet sërish në zgjedhje dhe të ricertifikohet Lista Serbe.

“Mbi 90 për qind e qytetarëve të komunitetit serbe nuk morën pjesë në zgjedhje, që tregon se kontrollin e ka Serbia për të mos lejuar daljen në zgjedhje. Kjo dëshmon faktin që pjesa veriore do jetë një sfidë e ardhshme. Asambletë komunare në veri janë ende aktive dhe nuk mund të bëhet betimi i këtyre kryetarëve, atëherë do shkohet sërish në zgjedhje dhe do kthehemi në pikën zero ku do shkohet në një strukturë të re ku do ricertifikohet Lista Serbe. Tani pritet të shkohet në planin 2, që është pengimi i kryetarëve për të kryer funksionin. Mund të krijojnë një strategji të re për mbarëvajtjen e procesit të ardhshëm nëse do ketë rivotim”, tha Shala.

LEXONI GJITHASHTU:

• Kurti: Bojkoti i zgjedhjeve në veri u imponua nga fushata kërcënuese e Beogradit
• Radoiçiç: Nuk lejojmë që Veriu të udhëhiqet nga ata që fituan 1-2% të votave