Procedohen penalisht tre persona në Korçë, një në kërkim për vjedhje

Policia e Korçës këtë të hënë ka nisur procedimin penal për tre shtetas dhe ka shpallur në kërkim shtetasin A. K., 36 vjeç, ku u konstatua se ky i fundit ka vjedhur një shumë lekësh në ambientet e një lokali.

Sipas raportimeve nga policia, 36-vjeçari, banues në Korçë, i ka vjedhur nga çanta shumën e lekëve, shtetasit D. N., ndërsa ky i fundit me dy të tjerë kanë shkuar në banesën e 36-vjeçarit dhe kanë kanosur babanë e tij.

Gjithashtu, Policia ka proceduar penalisht shtetasin B. D., 26 vjeç, pasi iu gjet një sasi lënde e dyshuar narkotike kanabis, A. K., 25 vjeç dhe D. N., 26 vjeç, të tre banues në Tiranë, të cilët dyshohen se janë shokët e 36 vjeçarit.

Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.

LEXONI GJITHASHTU:

• Lezhë, 12 vjet burg 38-vjeçarit të akuzuar për vjedhje dhe marrëdhënie me të mitur