Procedohet penalisht Gjin Gjoni, kandidati i PD-së në Lezhë

Policia e Lezhës ka nisur një procedim penal në gjendje të lirë ndaj Gjin Gjonit, kandidat për deputet i Partisë Demokratike në qarkun e Lezhës.

Procedimi nisi pas një kallëzimi të bërë nga disa mbështetës të Partisë Socialiste.

Sipas njoftimit zyrtar të Policisë, Gjoni akuzohet për veprën penale të “shpifjes”, pasi ka publikuar në rrjetin social Facebook identitetet e pesë shtetasve, të cilët i akuzon publikisht për blerje votash dhe intimidim të zgjedhësve.

Personat që paraqitën kallëzimin janë shtetasit D. P., E. L., E. S., P. Gj. dhe R. N., të gjithë përfaqësues apo simpatizantë të Partisë Socialiste, të cilët pretenduan se postimi i Gjonit ka cënuar integritetin e tyre dhe është i pavërtetë.

Materialet në ngarkim të Gjonit u referuan në prokurori për veprime të mëtejshme.

“Shërbimet e Komisariatit të Policisë Lezhë referuan materialet në Prokurori, ku nisi procedimi në gjendje të lirë, për veprën penale “Shpifja”, për shtetasin Gj. Gj., 55 vjeç, banues në Lezhë, kandidat për deputet i subjektit politik “Partia Demokratike”, pasi kanë kallëzuar shtetasit D. P., E. L., E. S., P. Gj. dhe R. N. (përfaqësues dhe simpatizantë të subjektit politik “Partia Socialiste”), se 55-vjeçari ka publikuar në rrjetin social “Facebook”, një postim, nëpërmjet të cilit shpif se 5 shtetasit janë të implikuar në blerje votash dhe intimidim zgjedhësish”, njofton policia.

LEXONI GJITHASHTU:

• “Shqipëria Bëhet” denoncoi kërcënimin e kandidates, reagon policia: Pistoleta lodër
• Publikoi votën në TikTok, i riu shqiptar në Gjermani procedohet nga Policia e Lezhës