Procesi i përzgjedhjes së teksteve i degraduar, thotë ish-ministrja e Arsimit

“Përzgjedhja e teksteve është një proces që ka degraduar”. Kështu u shpreh për Euronews Albania ish-ministrja e Arsimit, Mirela Karabina, e cila theksoi se ky proces ka filluar mirë, por ka humbur vlefshmërinë gjatë rrugës.

Specialistja e arsimit tregoi se alter-tekstet bazohen në një kuadër ligjor, ku ka komisione të posaçme që certifikojnë librat për nxënësit.

“Ka disa komisione që certifikohet teksti që do të vijë tek fëmija. Ministria e Arsimit ka një komision që certifikon tekstet. Pastaj kemi të miratimit dhe kalon te mësuesi që bën përzgjedhjen e teksteve”, u shpreh znj. Karabina, e cila shtoi se ende nuk ka persona përgjegjës për tekstet me probleme që u jepen fëmijëve.

Ajo nënvizoi se Ministria e Arsimit drejton këtë proces dhe se është e vetmja që duhet të mbajë përgjegjësi.

Znj. Karabina u shpreh se tashmë nuk ka emra profesorësh në tekstet e librave.