Zona e Dimalit njihet kryesisht për prodhimin e shalqinit dhe pjeprit, ku me dhjetëra fermer nxjerrin në treg tonelata prodhimi.

Por këtë vit, shumica prej tyre janë drejt falimentimit, pasi mungesa e tregut ka bërë që shumica e prodhimeve bujqësore të mbeten në ara.

Ata pohojnë se këtë vit nuk kanë mundur të paguajnë as detyrimet për punimin e tokës dhe plehrimin e saj.

“Sivjet ka qënë dobët, jashtëzakonisht dobët për arsye se nuk kishte as çmim as tregtar, i gjithë shalqiri ngeli në hugardh, as u shit asnjë kokër. Unë kisha 3 dynym e gjysëm këtu dhe të gjithë e hodha në kanal, as tregtar o stë pyeste njëri se ça ke mbjellë, biles ishte bio me fare, jo me këto shartesat, as një kokër, të paktën të ishte shitur një pjesë do i kishte nxjerrë shpenzimet,” –tha një fermer.

Vendet e rajonit kanë qenë ndër blerësit më të mëdhenj të shalqirit në këto zona por interesi I tyre 3 vitet e fundit është thuajse zero. Ky është një tjetër faktor që ndikon negativisht tek fermerët.

“Po bën 3 vjet që s’po hyn as kosovari ,as serbi, as maqedonsi, me një fjalë është bllokuar nga lart se ska mundësi. Këtu vinte serbi dhe kosovari e merte, po bën tre vite që ne e kemi kaluar falimentimin dhe këtë që kam futur këtu do i them të pres se skam nga jap, i thonë 6 dynym,” –u shpreh më tej fermeri.

Subvencionet dhe grandet që mund t’ju vijnë fermerëve në ndihmë, mungojnë për fermerët e Dimalit.

“Kalbur i tëri ja shikoje, ja dil shiko aty si është shalqiri, nuk shkon asnje gjë ska treg vjen nga Kosova vjen nga Greqia, shalqiri jonë nuk shkon. Ai jep 4 kg naftë thotë do të jap 4 kile naftë ça të bëjmë me 4 kile naftë ai as naftë nuk jep asnjë gjë, edhe do popullin ai.”-tha një tjetër fermer.

Po ashtu fermerët e fshatrave të Dimalit tregojnë se është e vështirë të gjesh fuqi punëtore dhe se për kujdesen e prodhimeve bujqësore merren vetë.

LEXONI GJITHASHTU:

• Vjeshta në Gjirokastër me prodhime të mbara, problem mungesa e tregut për fermerët
• Vit i mbarë për fermerët e Peqinit| Problem mungesa e tregut dhe e fuqisë punëtore