Fermerët e prodhimit të ullirit kërkojnë mbështetje nga institucionet. Ata deklarojnë se kanë nevojë për subvencione dhe garantimin e tregut.
“Ulliri është burimi kryesor i të ardhurave për mjaft fermerë të Qarkut Fier, por prodhimi i pakët i këtij viti, si edhe mungesa e krahut të punës, kanë bërë që fermerët të kërkojnë më tepër mbështetje, për këtë sektor të rëndësishëm të bujqësisë”,-tha fermeri. Ndërsa të tjerë shtuan:
“S’ka mbështetje nga shteti, mua nuk më ka ardhur njeri sa rrënjë ullinj ke të vijë të shikojë çfarë bëhet.
“Shteti të vërë dorë mbi ata që kanë investuar se ajo është pasuri kombëtare dhe duhet t’i subvencionoje”
“Duhet mbështetur shumë ulliri, është bima më e mirë, po hajde merre Dapin ti 120 apo 125 mijë lekë kuintali ose Ure. Neve pak na lë ai do pastruar do plehëruar do vjelë do bërë me ilaç do punëtori do transporti se ne jemi akoma me gomar është turpi i kohës”.
Fermerët shprehen se ky vit është ndër më të vështirët, sa I takon prodhimit të ullirit. Kushtet atmosferike por dhe mungesa e krahut të punës, kanë ndikuar që të ketë një rendimet të dobët.
“ Prodhimi i ullirit këtë vit është shume i pakët. Hasim vështirësi për punëtore vij unë me gruan i vjel. Edhe duhet te kishte çmim ulliri sivjet. E kane mire te rinjtë qe ikin nuk ka leverdi , edhe unë ta marr punëtorin te vjelë do 30-40 mijë lekë në ditë”-tha fermeri.
“Kemi mbetur nga dy veta në çdo familje. Deri tani po, por i kam me krah edhe ne nuk kemi mundësi ta paguajmë tjetrin 20-25 mije lekë sot. Vjet vaji është shitur për një cope buke tani thonë po vete me 8 mije lekë unë nuk kam.
Si e vetmja formë që sigurojnë jetesës, ata shprehen se kjo situatë po kthehet në alarmante, pasi nuk arrijnë të mbulojnë dot as shpenzimet, që kërkon prodhimi i ullirit.
LEXONI GJTHASHTU:
