Barcelona gati yjet e rinj, 17-vjeçari shënon në debutim dhe i jep fitoren

Në 10 javë kampionat, Barcelona ende nuk di të humbasë, teksa në fundjavë mposhti Athletic Bilbaon me rezultatin 1-0. Me disa mungesa, mes tyre dhe bomberin Leëandoëski i cili vuan një dëmtim në kyç, blaugranët e patën të vështirë ndaj baskëve, por guximi i Xavit solli fitoren e 7-të në ligë.

Pjesa e parë u mbyll pa gola, ndërsa në të dytën skuadrat u shfaqën më kërkuese, por goli do të vinte nga Marc Guiu, 17-vjeçari i cili erdhi nga stoli. Pas një asisti nga Felix, i riu u ballafaqua me Unai Simon duke mposhtur këtë të fundit, e vulosur triumfin për të tijët, ndërsa mori dhe përgëzimet e trajnerit Xavi.

“Mendova që ta hedh në fushë duke e ditur talentin e tij, nuhatjen e tij për golin. Personalisht është një lojtar që më pëlqen shumë. Nuk kam asnjë problem tu besoj talenteve të akademisë. Përkundrazi jam shumë i lumtur që u besoj të rinjve që dalin nga shtëpia jonë. Kujtoj se dhe unë kur isha 17-18 vjeç më dhanë besim dhe unë dua ta bëj me të rinjtë tanë”, tha Xavi pas ndeshjes.

17 vjeç e 291 ditë, Guiu bëhet lojtari më i ri që ka debutuar me gol për Barcelonën në La Liga në shekullin e 21-të.

LEXONI GJITHASHTU:

• Juventus triumfon ndaj Milanit, Allegri: Synim ynë është të kthehemi në Champions
• Broja sërish i lënduar, shqetësimet në gju e lënë jashtë derbit