Produktet ‘Wudy’, përfaqësuesi i kompanisë: U njoftova një ditë para AKU-së

Sokol Meqemeja, përfaqësuesi i kompanisë, “Frigo Food” që importon salçiçet ‘Wudy’, thotë se problemi me këtë produkt ushqimor është ngritur nga fabrika në Itali dhe se është njoftuar një ditë para Autoritetit Kombëtar të Ushqimit.

Në emisionin “Sot” në “Euronews Albania”, Meqemeja u shpreh se në fabrikë ka qenë i pranishëm ministri italian i Bujqësisë dhe është mbyllur loti i fabrikës ku u paraqit problemi.

“Problemin e ka zbuluar vetë fabrika, e ka denoncuar vetë fabrika. Është thirrur ministri i Bujqësisë italiane në fabrikë, është bërë e gjithë procedura, është bllokuar ky lot i fabrikës. Është kompani që mban 65% të popullsisë të tregut italian, shërbejnë për të paktën 50 milionë banorë në Itali, por edhe në Gjermani e Holandë.

Madje kanë marrë në telefon fabrikën në Itali, a kanë vdekur njerëz në Shqipëri? Unë jam vënë në dijeni një ditë para AKU-së, nga kompania mëmë. Kam folur me fabrikën në Itali, lotet që ju po merrni mall janë të sigurta dhe mos kini merak se lotet problematike janë bllokuar. Nuk kanë ardhur te ne”, theksoi ai.

Autoriteti Kombëtar i Ushqimit ka njoftuar se në produktin ushqimor “Wudy” është konstatuar prani e “Listeria monocytogenes STI55” duke përbërë risk me ndikim serioz për shëndetin e njeriut.

LEXONI GJITHASHTU

• Produktet Wudy vijojnë të shiten në treg, kompania: AKU shkaktoi konfuzion
• Eksperti: 3 kategoritë që rrezikojnë më shumë nga konsumimi i ‘Wudy’ të infektuara
• ‘Wudy’ të rrezikshme për shëndetin, njofton AKU