Prokurori anti-mafias italiane: Prokurorët e SPAK të marrin pjesë në mbledhjet tona

Prokurori anti-mafias italiane, Giovanni Melillo dekaroi se do të ofrohet e njëjta mbështetje për drejtuesin e ri të Strukturës së Posaçme (SPAK).

Në konferencën me Drejtorinë Kombëtare italiane Anti-mafia dhe kundër Terrorizmit në Tiranë, Melillo u shpreh se prokurorët e SPAK duhet të marrin pjesë në mbledhjet e zyrës të anti-mafias dhe anti-terrorizmit në Itali.

“Do i ofrojmë të njëjtën mbështetje drejtuesit të ri të SPAK. Është e rëndësishme që puna e institucioneve të rritet edhe më tej. Të kemi takime të perhershme dhe prokurorët e SPAK të marrin pjesë në mbledhjet e zyrës sonë të anti-mafias dhe anti-terrorizmit.

Skuadrat e përbashkëta hetimore nuk mjaftojnë, duhen analiza. Shqipëria dhe Italia duhet t’i bëjnë ballë transformimeve të krimit të organizuar. Kemi sfida të mëdha përpara”, theksoi ai.

Ndërsa, kreu i SPAK, Arben Kraja ka deklaruar se krimi shqiptar është i shtrirë nga Amerika Latine deri në Dubai.

Kraja nënvizoi se me këtë shtet kanë 18 skuadra të përbashkëta hetimore.

LEXONI GJITHASHTU

• Kreu i SPAK: Krimi shqiptar i shtrirë nga Amerika Latine deri në Dubai
• 3 emra për kreun e ri të SPAK, Kondili dhe Altin Dumani dorëzojnë platformën në KLP
• A do ketë arrestime të bujshme? Përgjigjet Arben Kraja