Propozimi për shkarkimin e Veliajt/ Komisioni Ligjeve fut në rend dite kërkesën e PS

Është mbyllur mbledhja e Komisionit të Ligjeve ku është përcaktuar dhe rendi i ditës për mbledhjen e orës 16:00, ku do të diskutohet shkarkimi i Erion Veliajt me kërkesë të këshilltarëve të PS-së.

Gazetarja e Euronews Albania, Enkelejda Mema ka raportuar në mënyrë më të detajuar se nga kjo mbledhje, këshilltarët e opozitës kanë kërkuar që në rend dite të futet kërkesa e tyre më e hershme e datës 9 maj për shkarkimin e Erion Veliajt, që pas tre muajsh mungesë fizike të nis procedura e shkarkimit.

Mësohet se nga anëtarët e Komisonit të Ligjeve nuk është miratuar kjo kërkesë. Në fund të mbledhjes raportohet të jetë dakordësuar që rendi i ditës të mbajë një pikë ku është projekt-vendimi për nisjen e procedurës për shkarkimin e Veliajt. Kjo edhe sipas kërkesës së këshilltarëve të PS-së, kërkesë e cila është votuar nga të gjithë anëtarë e opozitës në Komisionin e Ligjeve.

LEXONI GJITHASHTU:

• PD kërkon proces të rregullt për shkarkimin e Veliajt: Kryebashkiaku të dëgjohet
• Tiranë: Kanoste 23-vjeçaren në rrjete sociale me fotot e saj, arrestohet 25-vjeçari