Protesta| Avokatët e Berishës në Kuvend, gazetarja: Ka indicie për incidente

Në ambientet e Kryesisë së Kuvendit, ka nisur protesta e thirrur nga kreu i rithemelimit Sali Berisha.

Tubimi mbahet në të njëjtën kohë kur në Këshillin e Mandateve do të shqyrtohet kërkesa e SPAK për heqjen e imunitetit të ish-kryeministrit Sali Berisha.

Vetë Berisha nuk do të jetë i pranëshëm në seancë, gjë të cilën e bëri me dije mëngjesin e ditës së sotme.

Ai do të përfaqësohet në mbledhjen e këshillit të Mandave me dy avokatët e tij, të cilët kanë hyrë në ambientet e Kuvendit.

Protestës i janë bashkuar deputetët e Rithemelimit, si dhe deputeti i Partisë së Lirisë, Petrit Vasili.

Nën thirrjet e simpatizantëve të Rithemelimit “poshtë diktatura”, qytetarët kanë pritur ish-kryeministrin Berisha.

Ndërkohë avokatët e Berishës u panë të futeshin në ambientet e Kuvendit, ku pritet të mbahet mbledhja e Këshillit të Mandateve.

Gazetarja e Euronews Albania, Sara Demushi, tha se rreth 700 forca policie janë vendosur rreth Kuvendit, si dhe është hartuar një plan masash për paralajmërimin e incidenteve.

“Burime pohojnë se do të ketë incidente gjatë protestës së sotme, efektivët e policsë janë të pajisur me maska kundërgaz. Vetëm pak minuta më parë mbërriti dhe autoboti i ujit në rast se do të ketë përplasje”, tha Demushi.

LEXONI GJITHASHTU:

• Kërkesa e SPAK për arrest në burg apo arrest shtëpie për Berishën? Përgjigjet Kraja
• “A ka tentuar të prishë provat”- Avokatët e Berishës përplasen me Krajën
• Këshilli i Mandateve, Berisha refuzon të shkojë: Nuk pranoj poshtërim publik