Deputeti demokrat, Belind Këlliçi thotë se protesta e 7 korrikut vjen në momentin e duhur dhe i përgjigjet shqetësimeve të qytetarëve.

Në emisionin “Now” në “Euronews Albania”, Këlliçi u shpreh se përmes kësaj proteste, opozita duhet të zbresë qeverinë me këmbë në tokë,

“Hallet e qytetarëve nuk pyesin për temperatura të larta apo motin. Ne i përgjigjemi momentumit politik. Gjykoj që është një protestë e duhur që i shërben qytetarëve. Pres që më në fund ku pas gjithë kësaj periudhe ku ne jemi marrë me njëri-tjetrin dhe i kemi dhënë një fare komoditeti Edi Ramës, opozita t’i rikthehet misionit të saj dhe të bëjë opozitë. Të mbushë sheshet, të protestojë, të zbresë qeverinë me këmbë në tokë dhe t’I shkurtojë ditët qeverisë”, theksoi deputeti.

Këlliçi nënvizoi se të gjithë qytetarët, qofshin demokratë apo socialistë i paguajnë njësoj çmimet e rritura, ndaj sipas tij, të gjithë duhet të vijnë në protestë.

LEXONI GJITHASHTU

• Bushati: Përjashtimi i Bashës nga protesta, gabim politik i Berishës
• Balliu tregon se çdo të ndodhë nëse më 7 Korrik do ketë protestues të dhunshëm
• 7 korriku, Berisha: Besoj se partitë opozitare do i bashkohen protestës