Sekretari i Përgjithshëm i Partisë Demokratike, Gazment Bardhi, në një konferencë për media nga selia blu, u bëri thirje qytetarëve që të marrin pjesë në protestën e opozitës, për të luftuar korrupsionin dhe padrejtësinë.

Bardhi tha se protesta e PD do të mbahet në orën 10:00 të së enjtes përpara sallës së seancave plenare.

Bardhi tha se protesta mbahet kundër bashkëpunimit që ka qeveria Shqiptare me grupet kriminale.

“Ne si opozite kemi bërë atë që do të bënte një opozitë e përgjegjshme, që i thotë vetes vend demokratik dhe do të anëtarësohet në BE, por në standarde ka një qeveri tërësisht, tashmë të provuar, të lidhur me krimin e organizuar dhe ka vendosur qeverisjen e vendit në shërbim të këtyre grupeve. Për kete arsye apeloj çdo qytetarë që të marrë pjesë nesër në protestën e orës 10:00 përpara sallës së seancave plenare, duke shprehur vendoshmërinë tonë si qytetarë të Repubikës së Shqipërisë që ne nuk bashkohemi kurrë që qeveria të miratoj ligje, të japë favore të miratoj tendera, të fuqizojë grupet më kriminale në vend” tha Bardhi

Bardhi i bëri thirrje dhe Kryetares së Kuvendit për të respektuar kërkesat e opozitës dhe qytetarëve për të zhvilluar këtë protestë.

LEXO GJITHASHTU

• “Po bëni protestë si presion për vulën”, gazetari përplaset me Bozdon
• Meta vizitë në Malin e Zi, takime në selinë e Partisë Demokratike të Socialistëve