Protesta e studentëve në Shkup, Laert Vasili për “Now”: Kanë bërë arrestime, mes tyre dhe një djalë dëshmori

Aktori Laert Vasili ka folur këtë të hënë nga Shkupi, në një lidhje me “Now” në Euronews Albania, me moderatore Erla Mëhilli, mbi zhvillimin e protestës së studentëve për gjuhën shqipe. Aktori ka thënë gjatë intervistës së tij se pas protestës ka pasur arrestime dhe ka përmendur që mes të arrestuarve është marrë dje djali i një dëshmori.

“Janë ndaluar, janë ndaluar dhe arrestimet po vazhdojnë. Është arrestuar Betim Mehmeti, djali i Ismail Mehmeti dhe studentë të tjerë pas protestës. Dëgjova Goxhajn, nuk bëhet fjalë për të ikur fshehurazi, bëhet fjalë për të qenë gjallë dhe për të vazhduar këtë mision, sepse po ramë një nga një, kush do e vazhdojë këtë gjë”, tha Vasili.