Kreu i Grupit Parlamentar të Partisë Demokratike, Gazment Bardhi është shprehur se ai mbështet çdo protest kundër qeverisë së kryeministrit Edi Rama.

Komentet Bardhi i bëri në një deklaratë për mediat, ku u pyet nëse mbështet protestat e paralajmëruara nga ish-kryeministri Sali Berisha.

Bardhi tha gjithashtu se është përdorur standart i dyfishtë në hetimin e bashkëpunëtorëve të Edi Ramës dhe të Sali Berishës.

“Çdo protestë kundër regjimit të Ramës ka patur dhe ka mbështetjen time. Çdo deputet i opozitës ka mbështetur dhe mbështet çdo protest kundër regjimit të Edi Ramës. Ne kemi një aksion prej 3 muajsh brenda sallës së Parlamentit dhe ne do të jemi brenda Parlamentit.

Ndërkohë sesi do të vijojë skenari më pas, mbetet për t’u parë. Ajo që unë kam thënë herën e shkuar është ajo që unë thash edhe sot. Që t’i hiqet imuniteti një deputeti, SPAK duhet t’i drejtohet Kuvendit. Unë nuk jam për imunitet për deputetët.

Unë nuk mund të mbyllë sytë kur shohë që ka dy standarte, standart tjetër për Saimir Tahirin, bashkëpunëtor të Ramës dhe tjetër standart për Sali Berishën, kundërshtar të Edi Ramës.

Nuk mund të mbyll sytë që për Ahmetajn mua si anëtar i këshillit më vihen në dispozicion 1400 faqe prova nga Prokuroria, se ai është bashkëpunëtor i Ramës, ndërkohë për kundërshtarin e Ramës ka patur zero prova”, tha Bardhi.

LEXONI GJITHASHTU:

• “Berisha s’donte vetë protestë të fuqishme”, Gjata: Do kishte “libra kokës”
• Klevis Balliu flet për protestën: Pse ishte ai numër njerëzish