Protestat në Turqi: Policia përdori plumba gome e gaz lotsjellës ndaj demonstruesve

Zemërimi dhe trazirat publike po përhapen në të gjithë Turqinë për arrestimin e kryebashkiakut të Stambollit Ekrem Imamoglu me akuzën për korrupsion dhe terrorizëm.

Imamoglu, rivali kryesor politik i Presidentit Rexhep Tajip Erdogan, u arrestua të mërkurën në agim, vetëm disa ditë para se ai të emërohej kandidati kryesor i opozitës, Partia Popullore Republikane (CHP) në zgjedhjet presidenciale të vitit 2028.

Partia e tij i quajti arrestimet një “grusht shteti” dhe u zotua të vazhdonte demonstratat, të cilat ishin përhapur në të paktën 32 nga 81 provincat e Turqisë deri të enjten në mbrëmje, sipas AFP.

Kreu i opozitës Ozgur Ozel u bëri thirrje njerëzve në mbarë Turqinë që të dalin në rrugë sot në orën 18:30 pas përfundimit të agjërimit të përditshëm të Ramazanit, pavarësisht paralajmërimeve nga ministri i drejtësisë se thirrje të tilla janë “të paligjshme dhe të papranueshme”.

LEXONI GJITHASHTU:

• Turqia merr në mbrojtje rajonin dhe Shqipërinë! Zbulohet marrëveshja e luftës
• Turqi| Përleshje mes protestuesve dhe policisë në Ankara, plagosen 6 oficerë