Protestës u bashkohen edhe ‘të vjetrit’, e pranishme Jozefina Topalli

Protestës së opozitës, të thirrur nga Partia Demokratike, i janë bashkuar edhe figura të vjetra të kësaj force politike.

Ish-kryeparlamentarja dhe nënkryetarja e PD-së Jozefina Topalli, është e pranishme në këtë protestë.

Edhe kryetari i Partisë Agrare Ambientaliste, Agron Duka, një aleat i PD-së, gjithashtu është pjesëmarrës.

Berisha dhe funksionarë të tjerë demokratë, nuk kanë përjashtuar asnjë lloj skenari për protestën e sotme.

Në krah të kryedemokratit dhe kreut të Partisë së Lirisë, janë një grup i caktuar deputetësh dhe drejtuesit politikë të qarqeve.

Për mbarëvajtjen e protestës, janë gatishmëri rreth 1000 efektivë policie, teksa disa akse rrugore janë mbyllur që prej orës 15:00.

Shërbimet e rendit do të kenë peshën kryesore, por ka dhe një mobilizim të Forcave Speciale.

Vihet re një numër i lartë qytetarësh, të cilët i janë përgjigjur pozitivisht ftesës së opozitës për të marrë pjesë në protestë. Deri më tani, nuk është shënuar asnjë incident.

LEXONI GJITHASHTU

• FOTOLAJM| Policia kap lartësitë, efektivë në tarracat e institucioneve
• Budina: Të mos ndalen protestat me forcë pa e shkulur mafien e pushtetit
• “Më kujtoni babain”, përlotet Rudina Hajdari, flet për Azemin në protestë