“Provat janë vendimtare”- Gjiknuri thirrje SPAK: Të procedohet Berisha dhe Basha

Sekratari i Përgjithshëm i Partisë Socialiste, Damian Gjiknuri mbajti këtë të mërkurë një deklaratë për mediat, ku kërkoi nga SPAK procedimin penal të Sali Berishës dhe Lulzim Bashës për vrasjet e kryer gjatë protestës së 21 janarit 2011.

Gjiknuri theksoi se provat e reja të publikuara nga gazetari Artan Hoxha, janë të mjaftueshme që të rrëzohet vendimi i Apelit ndaj ish-shefit të Gardës së Republikës, Ndrea Prendi për vrasje nga pakujdesia.

Gjiknuri tha se provat janë të mjaftueshme që Prendi të akuzohet për vrasje në rrethana të tjera cilësuese.

“Provate reja janë vendimtare e të mjaftueshme për të ndryshuar vendimin e gjykatës së Apelit për Ndrea Prendin, pasi nuk kemi të bëjmë me një vrasje nga pakujdesia, por me një vrasje në rrethana të tjera cilësuese.

Po sipas këtyre provave janë krijuar kushte të mjaftueshme për të regjistruar nga SPAK të një procedimi penal ndaj Sali Berishës dhe Lulzim Bashës për veprimet e kryera më 21 janar të vitit 2011.

PS i kërkon Prokurorisë së Posaçme të zhvillojë hetime konkrete ndaj të kallëzuarve dhe personave të tjerë të përfshirë në vrasjen e 4 protestuesve”, tha Gjiknuri.

LEXONI GJITHASHTU:

• Veliaj: Rama dhe unë nuk mund të bëjmë prokurorin, SPAK të hetojë 21 janarin
• EKSKLUZIVE/ Artan Hoxha rrëfen takimin dy orë e gjysmë në polici për 21 Janarin
• Hoxha: 5 emrat që duhet të shkojnë në SPAK urgjentisht, nuk kanë këmbyer gjakun