PS ende pa një emër për presidentin e ri

Kreu i grupit parlamentar të PS-së, Taulant Balla pas takimit me Mesila Dodën dhe Fatmir Mediun të premten, u shpreh se janë vendosur piketa për zgjedhjen e presidentit të ri, por ende nuk ka një emër konkret.

Balla tha se në ditët në vijim, apo edhe “orët në vijim” do të ketë bisedime për emrin e presidentit.

“Me të dyja grupet parlamentare ka pasur gatishmëri për të hedhur në tavolinën e bisedimeve emra konkretë”, u shpreh Balla, ku bëri me dije se kreu i Partisë Republikane, Fatmir Mediu ka informuar qasjen për të ardhur me emra konkretë nga opozita.

Balla tha se nuk duhet të ketë vonesa në procesin e zgjedhjes së presidentit.

“Jemi në kushtet që më 16 është raundi i parë, do të thërritet i dyti ku afati i fundit është data 23 maj”, u shpreh ai.

Seanca e parë për presidentin do të mbahet më 16 maj. Partia Socialiste nuk ka propozuar emër kandidati për raundin e parë.

LEXONI GJITHASHTU:

• PS nuk do të çojë propozim në raundin e parë për zgjedhjen e presidentit