PS fiton bindshëm në Mallakastër, përfundon numërimi i votave

Është mbyllur numërimi i votave në Bashkinë e Mallakastrës, ku Partia Socialiste ka arritur një fitore të thellë.

Në të 49 kutitë e numëruara, PS ka marrë 8980 vota, që përbëjnë 73.24% të totalit, duke siguruar kështu një avantazh të padiskutueshëm ndaj kundërshtarëve politikë.

Koalicioni Partia Demokratike – Aleanca për Shqipërinë Madhështore është renditur i dyti me 2255 vota, ose 18.39%.

Të gjitha subjektet e tjera kanë marrë mbështetje shumë të kufizuar nga elektorati.

Lëvizja Bashkë ka marrë 71 vota (0.58%), Partia Koalicioni Euroatlantik 101 vota (0.82%), dhe Koalicioni Nisma Shqipëria Bëhet 287 vota (2.34%).

Subjektet e tjera politike kanë marrë më pak se 2% të votave secila: Koalicioni Djathtas për Zhvillim me 218 vota (1.78%), Partia Mundësia me 203 vota (1.66%), Partia Socialdemokrate me 126 vota (1.03%), ndërsa partitë Aleanca Kombëtare Shqiptare dhe Aleanca Demokracia e Re kanë marrë nga vetëm 10 dhe 5 vota. Lëvizja Atdheu ka marrë gjithashtu vetëm 5 vota.

Me këto rezultate, Partia Socialiste konsolidon mbështetjen në këtë bashki, ndërsa Partia Demokratike dhe aleatët e saj regjistrojnë një numër ndjeshëm më të ulët votash.

LEXONI GJITHASHTU:

• Vëzhguesit pengojnë procesin e numërimit, policia ndërhyn pas tensioneve në Vlorë
• Mazniku: PS do të arrijë 84 mandate, marrim deputetin e 9-të në Vlorë