Zyrtarisht Partia Socialiste ka fituar në Ersekë. Kryebashkiaku i Ersekës, Erion Isai u konfirmua se do të jetë për 4 vitet e ardhshme kryetar i Bashkisë Kolonjë.
“Të gjitha ato që kemi thënë do t’i bëjmë. Ndodhi ajo që kishim thënë, jo vetëm këtu, por në të gjithë Shqipërinë. Kjo nuk është fitorja ime, është fitorja e Partisë Socialiste, një ekipi të madh që është pas meje, që janë super patronazhistët që bëjnë punën e tyre të mrekullueshme për t’i dhënë zhvillim Shqipërisë,” – u shpreh Isai për Euronews Albania.
Rezultati përfundimtar ishte 3.873 vota përballë 2.150 votave të Ethem Lumanit nga koalicioni “Bashkë Fitojmë”.
65% me 35% është një rezultat që sipas kryebashkiakut duhet analizuar sepse mund të kishte qenë më i mirë në favor të PS-së, ndërsa theksoi se këto 4 vite nuk do e bëjnë më të pushtetshëm, por më të përulur.
Për të ndjekur rezultatin në kohë reale klikoni këtu.
LEXONI GJITHASHTU: