“PS-PD në panik!”- Gazetari: Nuk e kontrollojnë më drejtësinë

Gazetari Lavdrim Lita ishte i ftuar këtë të mërkurë në Euronews Albania, ku komentoi zhvillimet e fundit politike pas arrestimit të Veliajt.

Duke komentuar qëndrimin e kryeministrit Rama, i cili ka marrë në mbrojtje Veliajn, Lita tha se shefi i qeverisë po i bashkohet kryedemokratit Berisha dhe presidentit të Lirisë, Ilir Meta, në luftën kundër organeve të reja të drejtësisë.

“Rama është kthyer 180 gradë nga pozicioni pro drejtësisë”, tha Lita.

Gazetari shtoi se forcat kryesore politike janë në panik pasi nuk e kontrollojnë më sistemin e drejtësisë. Lita u ndal dhe te fikja e dritave në godinën e SPAK gjatë kohës që po mbahej seanca për masën e sigurisë për kryebashkiakun e Tiranës.

Gazetari e cilësoi këtë incident si një mesazh për SPAK-un.

“Mendoj se ka qenë një mesazh i koduar që qeveria ka dashur t’i dërgojë SPAK-ut. Policët bashkiakë protestuan pa uniforma, dhe administrata u lajmërua për këtë, një shkrirje e shtetit me urdhër politik,” tha ai.

LEXONI GJITHASHTU:

• “Nuk po hetohet një vepër kriminale…” Rama ndërpret Bushkën: S’duhen këto komente
• Arrestimi i Veliajt, Rama: Vetëm një maskara mund të mendojë që kontrollojmë SPAK-un