PSD i kërkon dorëheqjen Albin Kurtit | Rrusta: Po shkel demokracinë me Asociacionin

Partia Socialdemokrate në Kosovë ka paralajmëruar një protestë sot në orën 14:00, kundër Asociacionit.

Sekretarja e kësaj force politike, Teutë Rrusta thotë se Asociacioni është në dëm të Kosovës.

Në një intervistë për Euronews Albania, Rrusta u shpreh se kryeministri Albin Kurti po shkel demokracinë.

“Pse kemi vendosur t’i themi dorëhiqu? Kundërshtimi i Asociacionit është edhe për faktin se mënyra sesi ata e kanë dhënë informacionin, përbën shkelje të demokracisë. Askush nuk ka mandat për të bërë një marrëveshje të tillë.

Sidomos kur dikush me lehtësinë më të madhe e bën këtë gjë, duke mos u ndjerë fare përgjegjës, të paktën për votuesit e tij, atëherë kjo përbën rrezik për demokracinë. Nëse një lider politik, një kryeministër i Kosovës është në gjendje që fjalën ta ndërrojë brenda natës dhe mos ta pranojë, kjo përbën rrezik”, theksoi ajo.

LEXONI GJITHASHTU

• Prokurori që po heton Trump kërcënohet me vdekje
• Kryeministri kroat: Vladimir Putin do arrestohej nëse do vinte në Kroaci