“Pse meritë është që i keni lënë këta të shkojnë burg?”, Iljazaj debat në studio

Analisti Ervis Iljazi i ftuar në emisionin “Now me Erla Mëhillin” në Euronews Albania ka komentuar deklaratën e kreut të qeverisë Edi Rama ditën e sotme për korrupsionin.

Ai theksoi se nuk është meritë e qeverisë që njerëzit e tij po shkojnë në burg, ndërsa shtoi se meritë është nëse asnjëri nuk shkon në burg, domethënë të mos ketë njerëz të korruptuar.

“Qytetarët votojnë një kryeministër jo që të lejojnë që të korruptuarit. Unë dua që një kryeministër i vendit tim të menaxhojë dhe të mos ia vjedhë dikush paratë dhe taksat e mia. Ju tani thoni se na i kanë vjedhur këto taksat por ama ne kemi meritë të madhe se këta i kemi lënë të shkojnë në burg.

Unë votoj  një kryeministër që mos të vidhen paratë e mia. Sesa e ka luftuar korrupsionin kjo qeveri e tregojnë faktet. Unë dua një kryeministër që të mos ketë njerëz që të shkojnë në burg”-tha ai.

LEXONI GJITHASTU: 

• TikTok padit SHBA për të bllokuar ligjin e ri të ndalimit
• Policia operacion në Gjirokastër për shtëpi bari dhe kriptomonedha, shoqërohen 4