Pse nuk përfitoi liri me kusht Saimir Tahiri

Janë disa kritere të përcaktuara nga ligjvënësit që Tahiri nuk i përmbushte për të përfituar liri me kusht siç kishte vendosur në 2019 Gjykata e Shkallës së Parë.

Këtë të tha ish-prokurori i Krimeve të Rënda Eugen Beci në emisioni Now në Euronews Albania, teksa argumentoi vendimin e datës 4 shkurt të Apelit që hoqi lirinë me kusht për ish-ministrin duke e dënuar me 3 vjet e 4 muaj burg.

“Dënimi me kusht nuk përfitohet nga çdokush. Duhet të jesh shumë i varfër i varfër, i mitur, i moshuar, me probleme familjare, të kesh rrezikshmëri të pakët dhe mbi të gjitha sjellje normale pas veprës penale në raport me veprën penale. Qëndrimi i Tahirit ka qenë gjithë kohës mohues ndaj veprës penale për të cilën është akuzuar. Nëse rehabilitohesh jashtë burgut dhe shfaq shenja pendese je i rehabilitueshëm, nëse thua gjithë kohës s’e kam bërë këtë vepër penale, shko në burg të rehabilitohesh”, argumentoi ish-prokurori.

Ai e cilësoi të dyshimtë vendimin e Shkallës së Parë që rrëzoi akuzat për trafik të lëndëve narkotike dhe grup i strukturuar kriminal ndaj ish-ministrit.

“Nuk mund të thuhet që dështoi prokuroria. Prokuroria mbase nuk paraqiti në mënyrë të qartë dhe bindëse akuzat ndaj ish-ministrit për organizatë të strukturuar kriminale dhe trafik droge. Pse mos të themi që gjykata vlerësoi gabim”, tha Beci.

LEXONI GJITHASHTU:

• Avokati tregon hapat që do të ndjekë për lirimin e Saimir Tahirit
• Si nisi përballja me drejtësinë e Saimir Tahirit