Pse nuk ka drejtësi të pavarur? Ish-ministri i Drejtësisë tregon arsyet

Ish-ministri i Drejtësisë, Ylli Manjani ka treguar disa nga arsyet, se përse sipas tij, drejtësia në Shqipëri nuk është e pavarur.

Në një intervistë për Euronews Albania, Manjani u shpreh se një pjesë e gjyqtarëve dhe prokurorëve, janë emëruar për të shërbyer politikisht.

Ndër të tjera, Manjani nënvizoi se ata e kanë kuptuar, se nuk kanë interes që qeverinë ta kenë armike.

“Disa janë formatuar kështu që në zgjedhje, janë vënë aty për të shërbyer politikisht. E dyta, ka njerëz që kanë halle, kanë punë, nevojë, kredira. E treta, askush nuk ka interes që ta ketë qeverinë armike. Pse duhet të dëgjojë ai nga mëngjesi deri në darkë o hajdut, o bandit, o vetting.

Koha ka treguar që nëse të qepet qeveria, të qepet kryeministri, fiton kryeministri. Sistemi është i shpartalluar. Kujtdo që i ka çuar fjalë kryeministri, që shiko, nëse nuk sillet ashtu si themi ne, do të kapë vettingu, e ka kapur vettingu. Këto janë fakte. Pse duhet që këta që janë në sistem, të bëhen heronj? Bëjnë punën dhe shkojnë në shtëpi”, theksoi Manjani.

LEXONI GJITHASHTU

• Ish-kreu i Prokurorisë: Ka ndërhyrje në KLP për shefin e SPAK
• Deklarata e fortë e Murrizit: Non grata e radhës mund të jetë një anëtar i SPAK
• Pse luftohet për kreun e SPAK? Murrizi: Kjo është kompetenca e vetme që ka