Pse nuk kandidon Belind Këlliçi me logon e PD? Ivi Kaso tregon arsyet

Sekretari i PD për çështjet zgjedhore Ivi Kaso tha në emisionin Now në Euronews Albania se arsyeja pse kandidatët e primareve nuk regjistrohen në zgjedhje me logon e PD është se kjo logo është e marrë peng.

Sipas Kasos, me vullnetin dhe ndërhyrjen e qeverisë u mor vendimi i Gjykatës së Apelit në 3 mars, që u pamundëson demokratëve të certifikohen.

“Ka një problem se po thuhet pse nuk del Këlliçi me logon e PD. Cila është e keqja? Flitet sikur logoja është e çliruar dhe u përket demokratëve. Por kemi një logo të PD të marrë peng për të cilën Rama vendosur kur të dojë, e merr e çon nga cila anë të dojë dhe e ka ndarë mendjen që deri në fund të zgjedhjeve kështu do bëjë. Nuk kanë pasur mundësi demokratët që certifikohen vetëm prej vullnetit të kryeministrit”, tha Kaso.

LEXONI GJITHASHTU:

• E zbulon gazetari, si e planifikoi Basha skenarin për të qenë ende kryetar i PD
• Vula e PD mund të shkojë në Strasburg, Kume: Efektin do e ndjeni në 2025