Alban Çakalli i cili është fermer ishte këtë të martë në “Good Morning Albanians” për të treguar se përse frutat dhe perimet që ne konsumojmë nuk kanë më shije. Ai tha se tashmë të gjitha farat janë të hibridizuara.
Ai tha se tashmë gjenetistët i kushtojnë më shumë rëndësi pamjes dhe madhësisë së këtyre frutave dhe perimeve si dhe jetëgjatësisë së tyre, ndaj edhe shija duket se u humbet.
“Të prodhosh një frut ideal është shumë e vështirë. Gjenetistët e prodhojnë një frut duke u fokusuar që produkti të ketë shitje. Gjithnjë është pamja e jashtme, madhësia dhe rezistenca që duhet të ketë në tregje. Edhe fara ka ardhur duke u modifikuar.
Të gjitha farat janë të hibridizuara, këto nuk janë modifikime gjenetike, por është njësoj si procesi që kryen bleta vetëm se në këtë rast e bën njeriu me qëllim që të zgjasë edhe kohëzgjatjen e saj në treg”,-tha për Euroneës Albania fermeri Çakalli.
LEXONI GJITHASHTU:
