Pse të rinjtë po goditen me thika? Psikologia rendit disa nga shkaqet kryesore

Psikologia Arjana Muçaj tha se një nga arsyet se pse të rinjtë kanë filluar të bëhen gjithnjë e më shumë agresiv është edukimi.

E ftuar në Euronews Albania ajo tha se ne si shoqëri nuk po i kushtojmë më shumë rëndësi se çfarë bëjnë fëmijët jashtë shkollës dhe se sa të zënë me aktivitete janë ata. Sipas psikologes kalimi i kohës jo në mënyrën e duhur, shpesh i shtyn fëmijët drejt sjelljeve të tilla që mund të bëhen të dhunshme.

“Ne si shoqëri kemi filluar të mos interesohemi shumë se çfarë ndodh me të rinjtë jashtë sistemit arsimor. Si është jeta e tyre kulturore, sa i ndjekin aktivitetet. Kjo tregon edhe se sa të varfër janë të rinjtë në këtë drejtim. Kjo është një formë e çlirimit të agresivitetit, gjë që i bën ata të shfaqin këto shenja dhune. Janë të rinj që kanë më shumë kohë dhe hapësirë në dispozicion që nuk kanë të bëjnë me edukimin e tyre, por kanë të bëjnë me atë që ne e quajmë shpesh herë të shpenzuarit të kohës jo në mënyrën e duhur”,-tha psikologia Arjana Muçaj.

LEXONI GJITHASHTU:

• “E dashura e viktimës, nuk ngacmohej nga autori”- detaje nga vrasja e 20-vjeçarit
• Vrau me thikë 20-vjeçarin në Tiranë, vetëdorëzohet në polici 18-vjeçari