Aleksandër Vuçiç nuk do të jetë në Tiranë në samitin që do të mbahet me liderët e BE-së në kryeqytet.
Për analistin Agon Maliqi ky nuk është një refuzim për Ramën, aq sa është për liderët ndërkombëtarë.
“Është më shumë një lëvizje dëshpërimi që unë nuk mendoj se do të mirëkuptohet. Është i tepërt si reagim, që një emërim i një ministri të bëhet shkas për të mos marrë pjesë në ngjarjen e parë të përbashkët që mbahet në Ballkan,” – u shpreh Maliqi.
Presidenti serb Aleksandër Vuçiç tha se askush nga Serbia nuk do të jetë në Tiranë në Samitin BE-Ballkani Perëndimor më 6 dhjetor për shkak të, siç tha ai, reagimit “të turpshëm” të BE-së për emërimin e Nenad Rashiçit si ministër në Qeverinë e Kosovës.
“Ju merrni rrogën tuaj ditore, udhëtoni me aeroplan, bëni shënime se si Serbia është fajtore për diçka, dhe nuk mund të gjeni asgjë për të cilën është fajtore Serbia. Nuk ka problem, vetëm bëni pa Serbinë, kështu që le të shohim se çfarë do të bëni dhe si”, tha Vuçiç për Pink.
LEXONI GJITHASHTU: