E ardhmja e Lionel Messit vijon të mbetet enigmë, ndërkohë që dita ditës publikohen detaje të ndryshme rreth destinacionit të radhës së 35-vjeçarit.
Orëve të fundit, mediat franceze kanë publikuar se kampioni i botës do të qëndrojë në kryeqytetin francez, por natyrisht, skuadra e tij duhet të plotësojë disa kushte.
Argjentinasi kërkon pagë më të lartë dhe vendin në formacionin titullar tek parizienët.
“Nuk do të jetë një detyrë e lehtë. Messi preferon ofertën e PSG-së, por vendos dy kushte të qarta për vazhdimin e kontratës. Messi kërkon një pagë prej 40 milionë euro në sezon dhe kërkon një garanci se ai do të jetë gjithmonë titullar, pavarësisht se kush do të jetë trajneri i klubit. Argjentinasi dëshiron të qëndrojë në formë sepse planifikon të luajë në Copa America vitin e ardhshëm”
Kontrata aktuale e yllit argjentinas përfundon më 30 qershor, ndërkohë që duhet patjetër që të marrë një vendim për të ardhmen. Muaj më parë u përfol dhe për një rikthim të tij tek Barcelona, por diçka e tillë nuk do të ndodhë, teksa shanset më të mëdha janë që sulmuesi të mos lëvizë në merkaton e ardhshme verore.
LEXONI GJITHASHTU:
- VIDEO/ Reperi i njohur ndërron jetë teksa performonte në skenë
- Përmbysen dy varka në Kaliforni, humbin jetën 8 persona