Psikiatrja: Jetnor Zhaboli vuan nga çrregullimi deluzional, shkak xhelozia

35-vjeçari Jetnor Zhaboli me profesion ekonomist, mbante të mbyllura brenda banesës nënën, bashkëshorten dhe fëmijët e tij të mitur. Çifti kishte dy fëmijë 5 dhe 9 vjeç.

Policia kishte arritur të merrte informacione për situatën e pazakontë dhe kur ka shkuar në banesë, e gjithë banesa ishte e kyçur dhe dëgjoheshin vetëm zërat e njerëzve që ishin brenda.

Më pas policia ka marrë 35-vjeçarin i cili ka hapur banesën. Ky i fundit ka deklaruar se e bënte për t’i mbajtur nën kontroll.

Psikiatrja Arjana Rreli tha në emisionin GoodMorning Albanians në Euronews Albania  se Jetnor Zhaboli vuan nga çrregullimi deluzional për shkak të xhelozisë.

“Bëhet fjalë për një çrregullim deluzional i  xhelozisë. Çrregullimi psikotip është një mënyrë që zhvillohet me kohën, mendime fikse që nuk kanë lidhje me realitetin, mbi bazën e të cilave ndërtohet një skenar i tërë ndërkohë  që ky njëri ka një  koeficient inteligjence shumë të mirë, mund të bëjë jetën e tij edhe përtej kësaj psikoze. Këto ditë e  kam plotësuar nga mediat që ka pasur edhe halucinacione, zëra, figura. Siç janë me sjellje normale jashtë, brenda këta njerëz  bëjnë çudira”, tha psikiatrja.

LEXONI GJITHASHTU:

• Avokati: 20% e shqiptarëve ruajnë partnerët, i mbyllin, i përndjekin
• Prokuroria e Tiranës kërkon arrest me burg për 35-vjeçarin që izoloi familjen