Psikologia: Historinë e Parashqevisë na e treguan të tjerët dhe jo këngëtarja

Psikologia Eriona Hoxha ka komentuar në lidhje me rastin e këngëtares Parashqevi Simaku në një lidhje live për Euronews Albania, ku vlerësoi angazhimin e shqiptarëve për të ndihmuar këngëtaren por kishte disa pikëpyetje dhe rezerva.

Psikologia theksoi se historia e Parashqevisë na u prezantua në një mënyrë që nuk lejonte hapësirë për të dëgjuar këngëtaren të fliste në mënyrë të drejtpërdrejtë për veten dhe historinë e saj.

“Historia e Parashqevisë na u servir nga të tjerët, pasi nuk dëgjuam në asnjë moment këngëtaren të fliste për veten dhe për atë çfarë kishte ndodhur. Duhet të dëgjonim zërin e saj, të kuptonim si u gjend aty dhe në çfarë rrethanash“, tha psikologia.

Ajo gjithashtu ngriti pyetje në lidhje me motivet e rastit.

“Ka qenë diçka e zgjedhur që ta paraqesin si endacake, apo kanë qenë rrethana të tjera? Historia erdhi si një ngjarje që tregonte se Parashqevia po priste djalin, i cili një ditë do të vinte ta kërkonte“, shtoi Hoxha.

Psikologia theksoi se kjo ngjarje u zhvillua shumë shpejt, duke kaluar nga një situatë rruge në një hotel luksoz me pesë yje.

LEXONI GJITHASHTU:

• Parashqevi Simaku shtrohet në Psikiatri, Ilirjani: Kam shumë frikë
• “O shpirti mamit!” Parashqevi Simaku mes lotësh takon djalin Luke