Publicisti: Albin Kurti të ulet të bisedojë me ndërkombëtarët

Publicisti Veton Surroi tha në një intervistë për “Now me Erla Mëhillin” në Euronews Albania se është me rëndësi që kryeministri i Kosovës, Albin Kurti të ulet të bisedojë me ndërkombëtarët.

Sipas tij fokusi duhet të jetë te normalizimi i marrëdhënieve sipas marrëveshjes franko-gjermane.

“Prej disa muajsh është kërkuar nga Kosova që të tërheqë njësitë e veta speciale dhe ky është një non sens sepse po mos të kishte prani policore Kosova aty do të ishte një zbrazëti që do ta mbushnin njerëzit e Radiojiçiçit. E njëjta gjë vlen dhe për kërkesat e tjera ku thuhet jo duhet të hyjë ky, në cilën godinë do të jetë kryetari i komunës së Leposaviçit apo i Zveçanit. Këto kanë qenë kërkesa non sens, ndërsa duke u marrë me këto imtësira është harruar konteksti i madh dhe konteksti i madh është se Kosova dhe Serbia nuk kanë arritur të dakordojnë për normalizimin e marrëdhënieve sipas marrëveshjes franko-gjermane,” – u shpreh Surroi.

LEXONI GJITHASHTU:

• Veton Surroi: Rreziku i sulmeve terroriste serbe ndaj Kosovës s’ka kaluar
• Kulla: Plan për kryengritje të armatosur në gjithë Kosovën, do vinte nga manastiret