Putin në Nju Delhi, Rusia dhe India forcojnë marrëdhëniet dypalëshe

Kryeministri indian, Narendra Modi do të zhvillojë të premten bisedime me presidentin rus, Vladimir Putin, me qëllim forcimin e lidhjeve të tyre përballë presionit të SHBA-së ndaj Nju Delhit për të ndaluar blerjen e naftës ruse. Udhëheqësit e të dy vendeve shkëmbyen përshëndetje miqësore me mbërritjen e Putinit në kryeqytetin indian të enjten në mbrëmje.

Pas një darke të enjten, të dy udhëheqësit do të takohen përsëri sot për dy orë bisedime, të cilat pritet të rezultojnë në marrëveshje, veçanërisht për armatimet.

Vizita e Putinit vjen në një kohë kur marrëdhëniet e Indisë me SHBA-në po kalojnë një krizë, me Uashingtonin që akuzon Nju Delhin për financimin e përpjekjeve të luftës së Rusisë në Ukrainë duke vazhduar të blejë naftë bruto nga Moska me çmime veçanërisht të favorshme.

Deri më tani, India ka shmangur dënimin e hapur të pushtimit të Ukrainës nga Rusia, ndërkohë që ka arritur të ruajë lidhjet e saj me SHBA-në dhe BE-në. Edhe pse India kohët e fundit është drejtuar te furnizues të tjerë dhe preferon armët që prodhon vetë, Moska mbetet një nga furnizuesit e saj të preferuar të armëve.

LEXONI GJITHASHTU:

• SHBA po shqyrton sanksione të tjera ndaj ushtrisë sudaneze dhe RSF
• Kombëtaret me sytë nga shorti i Botërorit, hidhet pasditen e sotme