Putin: Nuk ka nevojë për sulme tjera masive ajrore në Ukrainë

Pas tetë muajve luftë në Ukrainë, presidenti rus Vladimir Putin, duket se ka zbutur qëndrimet.

Ai është shprehur se nuk sheh nevojë për të vazhduar sulmet masive ajrore. Sipas Putin mobilizimi i trupave ushtarake për luftën në Ukrainë do të përfundojë brenda dy javësh.

Duke folur para gazetarëve në kryeqytetin e Kazakistanit, Astana, më 14 tetor, Putin ka thënë se Rusia ka pasur gatishmëri për të vazhduar bisedimet për t’i dhënë fund të luftës, ndonëse ato duhet të mbahen përmes një ndërmjetësuesi ndërkombëtar, nëse në tavolinë do të jetë edhe pala ukrainase.

Putin – i cili ka thënë se do të ishte gati për të përdorur edhe armën bërthamore për të mbrojtur “integritetin territorial” të Rusisë – ka paralajmëruar për një “katastrofë globale” në rast të përleshjes së drejtpërdrejtë në mes të trupave të NATO-s dhe Rusisë, shkruan Radio Evropa e Lirë.

LEXONI GJITHASHTU:

• Erdogan fillon zbatimin e marrëveshjes me Putinin për qendrën e gazit
• Macron i bën thirrje Putinit të ‘kthehet në tryezën e bisedimeve’
• Biden sapo mund t’i ketë dhënë Putinit ‘çelësin’ për t’i dhënë fund luftës