Putin: Operacionet tona në Donbas nuk ndalen

Në jug të Ukrainës, kundërsulmi ukrainas ka dështuar të rimarrë pozicionet ruse, por autoritetet pro-ruse pohojnë se sulmet vijojnë  ndaj ndërtesave administrative në qytetin Kherson.

Në Ukrainën lindore, në Luhansk,  në një shpërthim raportohet se është vrarë një prokurori i lartë i  administratës separatiste, Sergei Gorenko, dhe zëvendësi i tij.

Moska e cilësoi “një akt terrorist”.

Sulmet të tillë i bëjnë shumë njerëz të besojnë se Putini e ka humbur avantazhin  në luftë, por nga Uzbekistani ai u përpoq të thoshte se gjithçka është nën kontroll.

“Operacionet tona sulmuese në Donbas nuk ndalen. Ato vazhdojnë me një ritëm të ngadaltë, por Federata Ruse po pushton gradualisht territore të reja.Dua të tërheq në vëmendjen tuaj faktin se ne nuk po luftojmë me të gjithë ushtrinë ruse, por vetëm me pjesë të veçanta të saj. Sigurisht kjo është e lidhur me parametrat e ushtrisë sonë, ne nuk po nxitojmë për të përfunduar operacionin ushtarak” shprehet presidenti Putin.

Duke publikuar këto pamje, Rusia pretendon se po kryen sulme në perëndim.

Moska  pretendon se po fiton gradualisht terren në Lugansk, ndërsa humbet terren në Donetsk.

Qeveria ukrainase publikon gjithashtu imazhe, ku tregohen armët e braktisura ruse në Donbas ndërsa tanket ukrainase përparojnë.

LEXONI GJITHASHTU:

• Putin: Dëshiroj që lufta në Ukrainë të përfundojë sa më shpejt të jetë e mundur