Putin paralajmëron sulme të tjera nëse Ukrainës i dërgohen raketa

Presidenti rus Vladimir Putin paralajmëroi të dielën se Moska do të godiste objektiva të reja nëse SHBA-ja do të furnizonte Ukrainën me raketa me rreze të gjatë veprimi, sipas mediave shtetërore ruse.

Dorëzimi i armëve të reja në Kiev synon vetëm të “zvarritë konfliktin e armatosur për aq kohë sa të jetë e mundur”, tha Putin në një intervistë për kanalin televiziv Rossiya-1, raportoi media shtetërore ruse TASS.

Në rastin e dërgesave të raketave me rreze të gjatë në Kiev, Rusia do të nxjerrë “konkluzionet e duhura” dhe do të godasë ato “objekte” që nuk i ka shënjestruar ende, tha ai.

Furnizimi me MLRS amerikane në Ukrainë në thelb nuk ndryshon asgjë, pasi Kievi kishte armë të ngjashme më parë, duke përfshirë raketa me rreze të ngjashme, kështu që ata thjesht po kompensojnë humbjet e tyre, tha Putin, sipas TASS.

Presidenti i SHBA Joe Biden tha të martën se SHBA-ja po i ofron Ukrainës “sisteme dhe municione më të avancuara raketash” ndërsa lufta e saj me Rusinë po vazhdon.

LEXONI GJITHASHTU:

• Macron tha se Rusia s’duhet të poshtërohet, reagon ministri i Jashtëm ukrainas