Qëlloi me armë zjarri nga automjeti, policia shpall në kërkim 26-vjeçarin në Pukë

Policia ka shpallur në kërkim 26-vjeçarin në Pukë, i cili gjatë mesnatës ka qëlluar me armë zjarri në ajër nga makina.

Blutë bëjnë me dije se është shpallur në kërkim i riu i identifikuar si Klaudio Prendi banues në Tiranë

“Shërbimet e Komisariatit të Policisë Pukë, me marrjen e njoftimit, në mesnatë, rreth orës 00:20, se në dalje të qytetit të Pukës në aksin rrugor Pukë – Fushë-Arrëz, ishin dëgjuar të shtëna me armë, menjëherë kanë shkuar në vendngjarje dhe kanë organizuar punën, ku falë veprimeve të shpejta kanë bërë të mundur identifikimin e shtetasit, i cili ka qëlluar me armë zjarri, në ajër”- njofton policia.

Gjithashtu u bë identifikimi dhe shpallja në kërkim dhe e automjetit nga i cili ky shtetas ka qëlluar në ajër, duke qenë në lëvizje.

Nën drejtimin e Prokurorisë vijon puna për sqarimin e plotë të rrethanave të kësaj ngjarje.

Materialet iu referuan Prokurorisë, për veprime të mëtejshme.

LEXONI GJITHASHTU: 

• Thatësira ‘pushton’ Ligatinën Donana në Spanjë, në rrezik jeta e egër dhe të korrat
• Të shtëna me armë zjarri në Pukë, reagon kryebashkiaku Gjonaj, akuzon opozitën