Qeveria e Kosovës miraton nismën për një marrëveshje me Shqipërinë

Qeveria e Kosovës ka mbajtur sot mbledhje elektronike, në të cilën ka miratuar nismën për lidhjen e marrëveshjes për njohjen e së drejtës së ushtrimit të profesioneve të avokatit dhe ndërmjetësit në zgjedhjen e mosmarrëveshjeve ndërmjet Qeverisë së Republikës së Kosovës dhe Këshillit të Ministrave të Republikës së Shqipërisë.

Ky vendim detyron Ministrinë e Drejtësisë të Kosovës që të zhvillojë negociata me Qeverinë e Shqipërisë me qëllim të finalizimit të tekstit përfundimtar të marrëveshjes së përmendur më sipër në përputhje me legjislacionin në fuqi.

Marrëveshja ka si objekt përcaktimin e rregullave të zbatueshme në mundësimin e njohjes së të drejtës së ushtrimit të profesioneve të avokatit dhe ndërmjetësit në zgjidhjen e mosmarrëveshjeve në të dy vendet.

LEXONI GJITHASHTU:

• Rriten çmimet e naftës, Arabia Saudite do zvogëlojë sasinë e prodhimit
• “Arrestimi i zyrtares së MSH është arritje”, Balla: Urdhrat e Prokurorisë zbatohen