Qeveria serbe fushatë me simbolin“Z”, aleati i Vuçiç: S’pranojmë plan për Kosovën

Simbolet e pushtimit rus të Ukrainës kanë nisur të shfaqen dhe në fushatën e zgjedhjeve serbe. Në një takim të zhvilluar nga Partia Socialiste Serbe, e drejtuar nga Ivica Daçiç, kandidati Dushan Bajatoviç shihet duke mbajtur një bluze me simbolin “Z”. I njëjti simbol është përdorur nga trupat ushtarake ruse që hynë në Ukrainë dhe kryen masakra ndaj civilëve.

Fotot me simbolin rus janë shpërndarë dhe nga faqja zyrtare e Partisë Socialiste Serbe. Gjatë takimit, Dushan Bajatoviç tha se partia ku ai bën pjesë nuk do të pranonte të asnjë lëshim për Kosovën.

Ai u shpreh se “ata që përkrahin planin Franko-Gjerman për Kosovën janë tradhtar dhe Serbia nuk mund të ndahet duke humbur territor”.

Sipas tij, janë dy blloqe politike në Serbi, ata që e quajnë veten Europian dhe duan të japin Kosovën me planin Franko Gjerman dhe serbët e vërtetë që janë në pushtet dhe duan ta mbrojnë. Partitë që janë pjesë e koalicionit qeverisës në serbi akuzojnë opozitën e drejtuar nga Dragan Gjilas se do të njohë pavarësinë e Kosovës, edhe pse paritë e opozitës realisht nuk kanë një qëndrim të qartë për këtë çështje.

LEXONI GJITHASHTU:

• “Më keq se me Millosheviçin”/Politikani serb: Vuçiç pret urdhrin nga Putin për luftë
• Paralajmërimi i politikanit serb: Vuçiç po përgatit një sulm tjetër si në Banjskë