Qiraxhi: Të rinjtë nuk kanë pasur mënyra për ta njohur komunizmin

Migen Qiraxhi nga Qëndresa Qytetare është shprehur se të rinjtë nuk kanë pasur mënyra për të njohur periudhën e komunizmit.

Në një intervistë për “Good Morning Albanians” në Euronews Albania, Qiraxhi foli për hapjen e “Laboratorit të Kujtesës”, ku për disa ditë me radhë njerëzit kanë mundësi të shkojnë dhe të njihen me të kaluarën.

“Shumica e të rinjve nuk kanë pasur mënyra për të njohur komunizmin. Kjo histori duhet të përshtatet me format e reja të komunikimit. Nuk mundet që të mbetemi vetëm në momentin kur themi që disa institucione kanë prodhuar libra dhe pse nuk shkojnë të rinjtë  që t’i lexojnë. Jemi kujdesur që në këtë laborator të organizojmë forume bashkëbisedimi, mbrëmje filmi që kanë lidhje me të kaluarën”- tha ai.

LEXONI GJITHASHTU: 

• Eksportues të energjisë në 2030, Balluku: Shqipëria, rol në sigurinë e Ballkanit
• Bardhi: Flamur Noka mik me oligarkun e madh, ja pse nuk flet