QSUT, trefishohen operacionet, Gjata: kemi mbi 4300 intervente në vit

Numri i ndërhyrjeve kirurgjikale në klinikën e  QSUT ka ardhur në rritje të vazhdueshme. Shefi i shërbimit të kirurgjisë ne QSUT, Arben Gjata, pohon se operacionet për sëmundjet malinje janë thuajse trefishuar krahasuar me vitet 90 dhe shkak duket se është mënyra e të jetuarit.

“Në fakt ka një trend  rritës. Vjet kemi pasur mbi 4 mijë intervente dhe sivjet jemi mbi 4200-4300 intervente pa përfshirë rcp. Janë rritur shumë grupe patologjish, janë rritur gurët e tëmthit dhe kjo vjen nga mënyra e të ushqyerit, mbipesha, jetesa, por ajo që të shqetëson është se janë rritur shumë patologjitë malinje të traktit tretës. Para viteve 90, nëse Shqipëria kishte 7 raste të reja për 100 mijë banorë në kancerin e zorrës së trashë, tashmë ka arritur, vjet 17-18 raste të reja për 100 mijë banorë”, Arben Gjata, shef i kirurgjisë, QSUT.

Paraqitja në spital në stadet e vonuara të sëmundjes, mbetet një problem për Shqipërinë

Sinkron Arben Gjata, shef I kirurgjisë, QSUT  “ është e rëndësishme të merren masa për diagnostikim në kohë. sepse në bazë të fazës në të cilën kapet edhe përcaktohet shërimi.- vijnë në faza të vona. patologjitë malinje janë mbi moshën 50 vjeç.

Përmirësimi i teknologjive, sipas Gjatës ka çuar në uljen e ditë qëndrimit të pacientevë që kryejnë ndërhyrje.

Sinkron Arben Gjata, shef i kirurgjisë, QSUT  “në vitin 2023 ne kemi arritur në maksimal të interventeve që janë realizuar në shërbim që nga themelimi shërbimit dhe kjo është shoqëruar me ulje të ndjeshme të dite qëndrimit në spital. nëse në 2013 e kishim 5.6 në klinikë, aktualisht është 2.6 qëndrimi në spital.  edhe kjo edhe për arsye të ndërhyrjeve në masë me kirurgji miniinvazive.

QSUT vazhdon të përballojë fluksin më të madh të ndërhyrjeve dhe për faktin se gjysma e pacientëve janë të referuar nga spitalet rajonale.

LEXONI GJITHASHTU:

• Ushqime me listë në Vlorë, në 2 lagje të qytetit lista e borxheve mbi 500 mijë lekë
• 42-vjeçari paraqitet në Urgjencën e QSUT i plagosur: Dikush më goditi me mjet prerës