“Qytetarët britanikë të bëhen gati për luftë”, gazetari: Ja çfarë po synon ushtria

Kreu i ushtrisë britanike ka paralajmëruar qytetarët britanikë që të përgatiten për një luftë në shkallën e konflikteve të mëdha të shekullit të 20-të dhe se ata vetë mund të kenë nevojë të mobilizohen.

Duke folur në ekspozitën ndërkombëtare të automjeteve të blinduara në Londër, gjenerali Sir Patrick Sanders tha se pushtimi rus i Ukrainës është një shenjë e gjërave që do të vijnë, duke paralajmëruar se mësimet e luftërave të mëparshme duhet të mbahen mend përpara se të jetë tepër vonë.

Gazetari shqiptar në Britaninë e Madhe Daut Dauti tha në një intervistë për Euronews Albania se rreziku nga Rusia artikulohet prej kohësh në Britaninë e Madhe, por thirrja aktuale e gjeneralit Sanders lidhet me domosdoshmërinë  e ristrukturimit të ushtrisë dhe sidomos shtimit të numrit të ushtarëve që kohët e fundit ka rënë ndjeshëm.

“Në Britaninë e Madhe ka kohë që rreziku nga Rusia shihet si i mundshëm por tashmë Sanders kërkon të ngrejë nivelin e vetëdijes te qytetarët dhe zyrtarët se duhet të shihet sistemi i ushtrisë dhe numri i ushtarëve, që kohët e fundit është zvogëluar shkak të shkurtimit të buxheti, por ka rënë edhe interesi për të shërbyer në ushtri. Gjenerali kërkon të bëjë me dije se numri i ushtarëve duhet të rritet. Nuk bëhet fjalë për një sulm të drejtpërdrejtë të Rusisë ndaj Britanisë se kjo e fundit ka fuqinë të mbrohet nga gjithkush, por bëhet fjalë nëse sulmohet një vend anëtar i NATO që  do të cilësohej si sulm ndaj aleancës”, tha gazetari.

LEXONI GJITHASHTU:

• Luftanija britanike zmbraps sulmin e Huthëve në Detin e Kuq
• VIDEO| Minahedhësi i Marinës Mbretërore Britanike përplaset me një tjetër luftanije