“Qytetet kutërbonin nga viktimat”- Gazetari i Euronews rrëfen tmerrin në Turqi

Gazetari Ardit Hoxha, i cili raportoi për disa ditë situatën në Turqi, tregoi tmerrin që ka parë në zonat e prekura nga tërmeti tragjik i mëngjesit të 6 shkurtit.

Në një intervistë për Euronews Albania, ai tha se kamerat nuk kanë përcjellë as gjysmën e asaj që ka ndodhur në të vërtetë në Turqi, ndërsa shtoi se qytetet kundërmonin.

Më tej, ai theksoi se qindra trupa janë ende nën rrënoja.

“Situata është e vështirë për t’u përshkruar. Qytetet ishin shkatërruar, njerëzit nxirreshin nga rrënojat dhe liheshin afër tyre. Njerëzit e tjerë kërkonin familjarët e tyre. Kam qenë në Durrës dhe Thumanë kur ka ndodhur tërmeti i 26 nëntorit, por atë që kam parë në Turqi janë pamje që të ngelen gjithë jetën në kokë.

Kam përshtypjen se ajo që mund të përcjellë kamera është vetëm gjysma e asaj që atje vërtetë kanë ndodhur. Qytetet dhe rrugicat kundërmonin. Gazetarët në Turqi na kanë treguar se gjysma e banorëve kanë ngelur nën rrënoja.

Vetëm në një kompleks, pronari i të cilit tentoi të arratisej, ishin të paktën 500 persona të pa nxjerrë ende nga rrënojat”- tha ai.

LEXONI GJITHASHTU: 

• Gjendet i vdekur mbi ngrohëse punonjësi i Portit në Durrës, dyshimet e para
• VIDEO| Rihanna konfirmon shtatzëninë e dytë me një super performancë pas 7 vitesh